Sioned
James
Yr
Arweinydd
|
YSGOL
GLANTAF, CAERDYDD
Er mwyn codi arian at Eisteddfod yr Urdd Caerdydd a'r
Fro 2001, daeth Cordydd a Chor Merched Canna at ei gilydd
i gynnal noson bythgofiadwy yn Ysgol Gyfun Glantaf.
Arfon Haines Davies oedd yn llywio'r noson ac mi ehangodd
y cor ar eu un can o repertoire a rhoi perfformiad "egniol"
iawn!!!
NEUADD DEWI SANT,
CAERDYDD
Mae Côr Meibion Pendyrus yn cynnal cyngerdd blynyddol
yn Neuadd Dewi Sant, Caerdydd ac mi wahoddwyd Côrdydd
i ymuno gyda hwy yn 2001. Gyda'r neuadd dan ei sang,
cafwyd noson i'w gofio mewn mwy nag un ffordd - yn anad
dim oherwydd marwolaeth arweinydd dawnus Côr Meibion
Pendyrus - Glyn Jones. Mi oedd hi felly'n fraint i'r
côr gael bod yn rhan o'r noson.
CLWB GOLFF RADYR
Gwahoddwyd y cor i fod yn adloniant i lond lle o olffwyr
Radyr a chanu trawsdoriad o ganeuon - hen a newydd,
ysgafn a mwy clasurol. Doedd dim gormodedd o le i Branwen
, ein cyfeilydd gan fod y lle mor llawn, ond serch hyn,
cafwydd noson anhygoel o ganu a mwynhau.
CAPEL EBENESER, STRYD
SIARL, CAERDYDD - "TEILWNG YW'R OEN"
Wedi misoedd o addo cyngerdd Nadolig mawreddog er mwyn
codi arian at Eisteddfod yr Urdd 2001, mi benderfynwyd
perfformio y clasur "Teilwng Yw'r Oen" ar y 21ain o
Ragfyr yn Ebeneser. Gyda chymorth dibynadwy Alun Guy,
crewyd band gwadd arbennig ar gyfer y noson - rhyw 12
o gerddorion i gyd. Ac wrth gwrs, gwahoddwyd Alun ei
hunan i arwain y gynulleidfa yn y canu carolau - yn
ei ffordd ddihafal ei hun mi grewyd naws arbennig a
Nadoligaidd iawn…platfform perffaith ar gyfer y perfformiad
i ddod! Cafwyd perfformiadau unigol gan Catrin Brookes,
Ellen Salisbury, Dion Davies, Heledd Cynwal, Catrin
Richards, Betsan Thomas, Sion Lewis, Ian Morris, a Nia
Elin - a'r actor Gwion Huw, oedd y llefarydd. Roedd
Ebeneser dan ei sang gyda rhyw 300 (?) o bobl yn bresennol………..ac
i goroni llwyddiant ysgubol , cafwyd parti yng Ngwesty
Royal, Caerdydd - a rhieni y cantorion i gyd yn mwynhau
yno hefyd!
EISTEDDFOD GENEDLAETHOL DINBYCH 2001
Mae mis Awst yn adeg anodd i gael presenoldeb cyson
gyda'r cor felly daeth 30 ohonom at ein gilydd i gystadlu
yn y gystadleuaeth ffyrnig, Cor Cymysg dan 40 o leisiau.
Perfformiwyd y darn gosod, 'Am Brydferwch Daear Lawr'
gan Rutter, 'Cennin Aur', Mansel Thomas a 'O Deffro
Dant' gan Haydn. Doedd y cor ddim yn disgwyl rhyw lawer
gan mai dyma'r tro cyntaf iddynt gystadlu - ond yn ffodus,
mi ddaeth y cor yn ail allan o 8 o gorau safonol a phrofiadol…………felly
ymlaen a ni at Eisteddfod Genedlaethol Tyddewi 2002!!!
OPERA 'CRWTYN BACH
Y SIMNE'
Mewn prosiect arloesol ar y cyd gyda chwmni teledu Al
Fresco, perfformiodd Cordydd mewn cyfieithiad o "The
Little Sweep" Benjamin Britten ("Crwtyn Bach y Simne")
a ddarlledwyd dros gyfnod y Nadolig 2001 ar S4C. Roedd
y caneuon yn rai gwahanol iawn i'n repertoire arferol
- ond doedd dim wedi ein paratoi ni at y gwisgoedd Fictorianaidd
oedd rhaid eu harddel! (wele rai lluniau gan Dyfed!)
Perfformiadau clodwiw gan Rhys Bebb, Sion Lewis, Angharad
Gwyn a Heledd Cynwal!!!!!!!
RHAGFYR 2001
Yn ôl traddodiad, cynhaliwyd cyngerdd Nadolig,
gydag Alun Guy wrth y llyw unwaith eto yn arwain y carolau
cynulleidfaol. Roedd Tabernacl yr Aes, Caerdydd yn llawn
a'r naws Nadoligaidd eto wedi ei gyfleu yn berffaith
gan Mr Guy. Roedd rhyw 65 o gantorion yn y cor, a'r
sedd fawr dan ei sang. Canwyd amrywiaeth o garolau -
deunydd wedi'u trefnu gan Mr Guy fel Gwyn Ddolig (White
Christmas) a Nadolig Pwy a Wyr?, Iesu Yw a Carol y Seren
gan Gareth Glyn, Candlelight Carol gan John Rutter,
ac wrth gwrs mi berfformiodd y bechgyn eu 'debut' fel
'parti bechgyn', Troytes's Chant - mae'n siwr mai hwn
gafodd cymeradwyaeth fwyaf y noson! I goroni noson Nadoligaidd
arbennig arall, cafwyd parti i'w chofio yn Topo Gigo's
gyda'r holl rieni, teuluoedd a ffrindiau yn ymuno yn
y ffwlbri unwaith yn rhagor!
IONAWR 2002
Mae Soiree's Hen Galan Parc y Rhath yn unigryw ac yn
enwog erbyn hyn ac nid oedd modd i Gordydd wrthod y
gwahoddiad i berfformio ynddi eleni. Roedd hi'n brofiad
diddorol gyda pherfformiadau eraill gan Tudur Dylan
Jones, Sioned Mair a Heather Jones, Iona Jones, Gari
Nicholas a Dafydd Wigley. |
