Côrdydd

Arweinydd: Sioned James

Cyfeilyddion: Branwen Gwyn

Y Côr Buddugol yn
Eisteddfod Abertawe 2006

Y Côr Buddugol yn
Eisteddfod Eryri 2005

Y Côr Buddugol yn
Eisteddfod Casnewydd 2004

Côrdydd - pencampwyr
Cystadleuaeth Corau
Radio Cymru 2003

Côr o leisiau ifanc
yn perfformio dewis diddorol
o gerddoriaeth clasurol a chyfoes

Ymarferion

7.30 pm bob Nos Iau

yn Ysgoldy Capel Salem Treganna

Croeso i Aelodau Newydd

boed yn Soprano Alto Tenor neu Bas

Ffoniwch: 07980 866320

am wybodaeth pellach neu e-bost

Sefydlwyd Côrdydd yn y flwyddyn 2000, gan griw o ieuenctid y Brifddinas. Ers sefydlu y côr, maent wedi cael cryn lwyddiant. Maent wedi cipio yr ail wobr ddwywaith yn olynol yn y gystadleuaeth Côr Cymysg dan 40 0 leisiau yn yr Eisteddfod Genedlaethol, perfformio'r clasur Teilwng Yw'r Oen gyda cherddorfa byw, ymddangos ar S4C yn yr opera arloesol `Crwtyn Bach Y Simne', perfformio mewn cyngerdd i ddathlu cwpan yr FA Cup gyda Lesley Garrett a Russell Watson, a chanu yn Neuadd Dewi Sant i enwi ond ychydig.

Ond yn sicr, coron eu llwyddiant oedd ennill cystadleuaeth Gorau BBC Radio Cymru 2003 yn Neuadd Dewi Sant, Caerdydd, gan guro corau cymysg profiadol a llwyddiannus eraill.

Bu Côrdydd ar daith yn Barbados yn yr Wyl Geltaidd fis Mai 2003. Perfformiwyd y Meseia gyda Cherddorfa Baroque Cymru adeg y Pasg 2004. Mae ganddynt amrywiol gyngherddau wedi'u trefnu.

Sioned James
Arweinyddd

Daw Sioned, James, arweinydd Côrdydd, o Landysul yn wreiddiol ond erbyn hyn, mae wedi ymgartrefu yng Nghaerdydd ers 1994. Graddiodd o Brifysgol Cymru Caerdydd gyda gradd dosbarth cyntaf ym 1997. Roedd gan Sioned diddordeb mewn canu corawl ers ei hieuenctid cynnar a chafodd y cyfle i ganu gyda rhai o gorau mwyaf blaenllaw Cymru, gan gynnwys Côr Ieuenctid Cenedlaethol Cymru, Ysgol Gerdd Ceredigion, Cantorion Teifi, Swansea Bach Choir a sawl grwp lleisiol.
Bu'n ddigon ffodus i ddod o dan adain dylanwadol Islwyn Evans yn gynnar iawn yn ei haddysg, a chafodd y cytle ganddo i arwain corau megis Ysgol Gerdd Ceredigion a chorau Ysgol Dyffryn Teifi. Dyma felly ddechrau ar ei gyrfa o arwain corau, ac mae hi'n brysur tu hwnt yn arwain Cymanfaoedd Canu ledled y wlad yn ogystal.

Cafodd y cyfle yn 1999 o gyd-weithio ar gryno ddisg Cwpan Rygbi'r Byd gan ysgrifennu'r rhagair am gerddoriaeth corawl Cymru a'r geiriau i gan Bryn Terfel a Shirley Bassey, `World in Union'. Mae hi'n gweithio fel asiant i actorion gyda Cinel Gabran Management ac hefyd yn darlithio rhan amser ar y cwrs Theatr, Cerdd a'r Cyfryngau yng Ngholeg y Drindod. Hi hefyd yw cyd-lynydd corawl cyfres arloesol newydd ar S4C, sef `Con Passionate'.